مساجله شعريه لسيد وبا سرده

لسيد الألف
الألف الفين دي هي محلقه=اما مئه دكت بـ سودان النخر
واهل الديانة يا(علي) ياويلهم=بلقي لهم زام النبوة والكفر

بن لعور الباء
الباء بواب الحرب عشره منها=خمسه على اليمنا وخمسه على اليسر
وانا معي ميتين رامي منقية=بـ يخلطون الملح من فوق العشر

السيد التاء
التاء توليت البنادر كلها=لما وقع لك عشر في بحرا وبر
وش كلفك على الدين هذا تحمله=وين عقلك وين سمعك والبصر

بن لعور الثاء
الثاء ثر الحيله معك ياصاحبي=ونا حسبك سيد من طوال الشير
لاعاد تقربني ولانا بقربك=ماليوم خصمي في عوافيها وشر

السيد الجيم
الجيم جوّرت الحمولة ياعلي=ماقلت هذا ليل من بعده بصر
خطّر وذا سيل لشعاب المغمرة=وصبر وعادها بتجي ياية وسر

بن لعور الحاء
الحاء حمولي عاد قيمه عندكم=لنته مخارج عندكم عشرين كر
حتى ولاشفت النجوم تباعدت=اصبر وباتقرب حددها والنجر

السيد الخاء
الخاء خرب ساس المهاري كلها=بيني وبينك حبلها مزرور زر
قد كنت تتعبني ولازم بتعبك=ياوحلتك يابوك في السوق الجبر

بن لعور الدال
الدال دلال المهاري قربك= والا حلالك خلف هاتاك القور
مابعذر الدلال يابن الهاشمي=لو بايصل عند الثريا والقمر

السيد الذال
الذال ذميتوا عرب في شعابها=يامبعدك يالهند من غبة قمر
والصوب من هيج تسن انيابها=وانتوا زقرتوا هيج عاده مافطر

بن لعور الراء
الراء ربالك وانته جبت شباكها=ولقيت في الميثاق ستعشر نفر
لو مال الربايه والنبي ماشفتهم=لانته تبا لاثار ماشفتوا اثر

السيد الزاي
الزاي زميت النيف وشعابها=وتقللت لرطال والوزن احتزر
ذولا عيالي غير ماهم كلهم=واحد حضر عندي والآخر ماحضر

بن لعور السين
السين سنينا النمش وحدودها=بالخرجك يالقرش دي عند التجر
حيشا على الرحمان خالق كل شي=ماسار قرشي تحت رباح المحر

السيد الشين
الشين شف عادني راوفت بك=يشهد علي دي خلق السبع القطر
لاتشتحن هذه شروع القبوله=لاهو انكسر مصراك مصراي انكسر

بن لعور الصاد
الصاد صوبت الخليقه كلها=عمري وجساري وصوبت بلخدر
ماهل قويرة غير ماشي صابهم=مسوى بن المقداد صالح بن عمر

السيد الضاد
الضاء ضماري ياعلي ماهمّله=مال العساكر دي يزوعون الستر
قد كنت تلطمني ولازم بلطمك=باعطيك لطمه بين سمعك والبصر

بن لعور الطاء
الطاء طمى راسي وعظماني طمت=ذكرتني مرحب وسيدنا عمر
ماهان بن لعور ولاحصن الصلب=ولا هانت الكفار في نقب الهجر

السيد الظاء
الظاء ظلت نار حمراء شاعله=وابليس يلطم والحجر تلطم حجر
من مثلها ياقابضين الذاعره=من مثلها يادي يزوعون الستر

بن لعور العين
العين عمرتو التتن يامعسره=عاد البواري بـ يخليها طير
يالواد يالفرع سلام اربعميه=ياواد فيك اشجار دنت بالثمر

السيد الغين
الغين غنيتوا وباغني لكم=ذا صوت ان مازاد ولا ماقصر
انا الحراثه حبها من خاطري=وشجب على ثيران تعمل في العفر

بن لعور الفاء
الفاء فريت البحر يابن الهاشمي=جبتوا مراكب دي تقرب للسفر
مولى الديانه والله ماسامحه=لما يجي شمروخ من خيل النشر

السيد القاف
القاف قرّيتوا وقرّينا لكم=والقامزي بتقول عثنون المطر
وحنا صبحناكم بعصبة هل حمد=لاجبت لك حمير ولا هل بابحر

بن لعور الكاف
الكاف كلفني ونا لازم اكلفه=والعايب المكار يمشي في الغدر
والله لايعرف مخابي ارضنا=ملا رفيقي عرفه بحرا وبر

السيد اللام
اللام لاشفته ولا هو شافني=خوفك من الله تحمّل في البشر
وانتوا اتهمتوا آدمي ساكن في مطرحه=وش قربك يالكور من صيق العُجر

بن لعور الميم
الميم (محسن) هوه دي جاب السبب=هو رتب النهال للوعول النتر
غريمي السيد ولا بـ فك له=لما يجيب الصدق دي منه نكر

السيد النون
النون نون العين جبنا له دوا=دي كان طول الليل ملقي لي سهر
ماليوم نامي يالعيون الساهره=لاعاد باداويش يكفي ماعبر

بن لعور الهاء
الهاء هلال الشهر ماحد ينكره=كلين بايسري بـ ضاوك يالقمر
ليل دخل رمضان صمنا كلنا=ان كان بارجاش في صومه فطر

السيد الواو
الواو والينا الحبوب الصافيه=الدخن هو والبُر كلته في الوصر
وعطيتكم بالذهب صافي مثله=نهار جيتونا على راس الثمر

بن لعور الياء
الياء ياصاحبي لاتكذب علي=ولاتقع لي من مقاطيب الشير
دي دخلك في السوق واحد مننا= اسمه قده معروف سالم باضفر

السيد الياء
الياء يقول الهاشمي ياذا العرب=صلوا على بو فاطمه سيد البشر
...
...
هذا ماحصلنا عليةاخوكم /// هشام بابريش